Блефаропластикадан кейін әйелдің бір көзі көрмей қалған

Шымкентте заңсыз пластикалық ота жасаған азамат сотталды. Ол лицензиясы мен сертификаты болмағанына қарамастан, жәбірленушіге блефаропластика жасаған. Операциядан кейін әйелдің бір көзінің көру қабілеті толық жоғалған. Сотталушының заңсыз медициналық қызмет көрсеткені дәлелденді. Сот оны 1 жыл 6 айға бас бостандығынан айырып, үш жыл бойы медициналық және фармацевтикалық қызметпен айналысуына тыйым салды. Прокуратура өкілдері медициналық қызметке жүгінгенде, маманның рұқсат құжаты бар-жоғын тексеру қажеттігін ескертеді.