Экологтар талабы: «АрселорМиттал Теміртау» компаниясына 6 млрд теңге айыппұл салу керек

Қарағанды облысындағы экологтар «АрселорМиттал Теміртау» компаниясына кемінде 6 млрд теңгеге жуық айыппұл салу керек деп есептейді. Кәсіпорынның экологиялық мәселелерге қатысты жұмысын тексерген мамандар, осындай шешімге келген. Бұған дейін комбинаттың агломерациялық цехы, оттегі-конвертерлік цехы, кокс –химия өндірісі және жылу – энергия орталықтары мен 8 бірдей полигоны тексерілген. Комиссия қоршаған ортаға өте көп зиян келгенін анықтаған.

Дархан Есжанов, облыстық Экология департаменті басшысының орынбасары:
Барлық тексеру қорытындысы бойынша «АрселорМиттал Теміртау» АҚ 7 әкімшілік хаттама толтырылды. Одан бөлек шешілмеген эмиссиялар үшін 2 айыппұл Теміртау қаласының әкімшілік құқық бұзушылық жөніндегі мамандандырылған сотына қарауға жіберілді. Сот мәселені қарап жатыр. Біздің есеп бойынша аталған істер үшін айыппұл көлемі 5,8 млрд теңгеден кем болмауы тиіс.

Руслан Нұрланұлы