Алматыда зорлық-зомбылыққа қарсы флешмоб ұйымдастырылды

«Зорлық-зомбылыққа жол жоқ! Тұрмыстық жәбірленуді тоқтатыңыз». Осындай атаумен Алматыда жалпыхалықтық флешмоб өтті.

Іс-шараның мақсаты – әйелдер мен балаларға қатысты зорлық-зомбылық мәселелеріне жұртшылықтың назарын аудару. Акцияның ерекшелігі-оның позитивті сипатта, жастардың қатысуымен, ешқандай мәжбүрлеусіз өтуінде. Мамандар осындай шараларды өткізу арқылы салауатты мәдени қоғам құруға үндеп отыр.

Флэшмобты Алматы қаласы әкімінің жанындағы Әйелдер істері және отбасылық-демографиялық саясат жөніндегі комиссия ұйымдастырды.

Гүлнар Әмірова, Алматы әкімі жанындағы Әйелдер істері және отбасылық-демографиялық саясат жөніндегі комиссияның хатшысы:

 Барлық пәле тілден шығады дейді ғой. Ашу келсе, тіліңді тарт. Сол тіл қысқарса, отбасы мүшелері мәдени болып отырса  бәрі жақсы болады. Ешқандай қатігездік болмайды.

Фариза Мұсақызы