Мексикаға миллиондаған монархиялық көбелек ұшып барды

Мексикаға жылдағы дәстүр бойынша миллиондаған монархиялық көбелек ұшып келген. Олар елдің орталығы мен батысындағы ормандарға АҚШ пен Канададан жетті. Қоңыр қанатты жәндіктер миграция кезінде 3 мыңдай шақырымды артқа тастаған. Зерттеулерге сәйкес, соңғы онжылдықта олардың популяциясы 22-ден 72 пайызға дейін азайып кеткен. Ғалымдардың айтуынша, бұған климаттың жылынуы, химикаттар мен ормандағы ағаштардың аяусыз оталуы себеп болуы мүмкін.