Қонаев қаласын дамытудың бас жоспары әзірленді

Қонаев қаласын дамытудың бас сәулет жоспары әзірленді. Шахардың стратегиялық маңызын ескерген бір топ маман жобаны көпшілікке таныстырды. Басты мақсат - шаһардың инфрақұрылымын жақсарту, әлеуметтік нысандар салып, жасыл экономика бағытында дамыту. Бұл - алдағы 25 жылда атқарылатын міндет,-дейді сәулетшілер.

Құрылыс уақытылы орындалса, қала халқының саны 4 есеге өседі деген болжам бар. 50 мың жаңа жұмыс орны ашылмақ. Архитекторлардың жобасында қалаға көпір салу, жасыл желектерді көбейту негізге алынған. Осы орайда халықтың да пікірі ескеріледі. Ал құрылысты жандандыру мақсатында инвесторларды тарту көзделіп отыр.

Болат Мұсылманбеков, Алматы облысы Сәулет және қала құрылысы басқармасының басшысы:

Әр қалада, ескі қалаларда транспортпен, басқа да проблемалармен көп сұрақтар пайда болды. Ал Қонаев жаңа қала болғандықтан, сондай мәселелердің бәрін заманауи технологияларды пайдаланып, ерекше қала жасайтындай мүмкіншілік бар.