Жаңалықтарды Telegram арнамыздан оқыңыз!Ғалымдар елімізде 2035 жылы энергетикалық тапшылық болады деген болжам жасап отыр. Сондықтан болашақта Атом электр стансасын салу өте өзекті-деп санайды. Әзірге отандық мамандар дамыған елдердің технологияларын таңдап, ең тиімді тұстарын зертеп жатыр. Қанша қаржы қажет, қандай компаниямен әріптестік орнатуға болатынын қарастыруда. Бұл туралы Семейде өткен «Атом энергетикасы – Қазақстанның энергетикалық қауіпсіздігінің негізі» атты дөңгелек үстелде айтылды. Ғалымдардың айтуынша, АЭС арқылы энергетикалық қауіпсіздікті нығайтып, электр энергиясымен қатар жылу да өндіруге болады. Бұл соңғы кезде жиілеп кеткен төтенше жағдайларды болдырмауға да өте өзекті дейді олар.
Асуан Сиязбеков, «Қазақстандық атом электр станциялары» ЖШС бас менеджері:
Төрт вендорды қарастырып отырмыз. Ол Ресей, Корей елі, Қытай және француздық технологиялар. Барлығы тексерілген. Референттік блогы бар. Біз тек қана өзіміздің ойымыздан ғана технологияны таңдамаймыз. МАГАТЭ-нің алғышарттары бар.
