Жаңалықтарды Telegram арнамыздан оқыңыз!
Әлем чемпионаты қарсыңында Қатар астанасы Дохада үлкен медиа орталық ашылды. Жахандық доп додасы кезінде қызмет атқаратын медиа мамандары үшін бұл жер екінші үйіндей болып кеткен.
Әлем чемпионаты барысында медиа саласы мамандарының жұмысы қыза түседі. Қатардың үлкен конгресс орталығы 24 сағат ашық тұрады. Бұл жерде күні-түні жұмыс тоқтамайды. Әлем чемпионаты ойындары өтетін стадиондарға жеткізетін автобустардың аялдамасы да осында. Кездесу аяқталғаннан кейін сол автобустар қайтадан осы орталыққа жеткізеді. Шет елдік журналистердің айтуынша, бұл жер емін-еркін жұмыс істеуге ыңғайлы.
Кир Ранджич:
Медиа орталық жаман емес. Басқа орталықтарға ұқсайды. Үлкен жарыстарда осындай жұмыс орнынның болғаны дұрыс.
Тимо Вула:
Бұл жерде жұмыс істеген маған ұнайды. Өте ыңғайлы. Іші кең. Интернет жақсы сапада. Автобустардың осы жерден алып кетіп, алып келуі жақсы ойластырылған. Ұйымдастырушылар әрбір ұсақ-түйекке дейін мән беріп, дұрыс жоспарлағаны көрініп тұр.
Ойын болатын күннен бір күн бұрын командалардың баспасөз мәслихаты да осы жерде өтеді. 4000 мың адамға арналған конференц залды фотографтар, журналистер, сайт мамандары мен техникалық қызмеркерлер жұмыс істейтін орындарға бөлген. Қысқасы мундиальдің тартысты ойындары стадиондарда өтсе, медиа саласы мамандарының қызу жұмысы осы орталықта атқарылады.
Ерсін Ерік
