Жаңалықтарды Telegram арнамыздан оқыңыз!Елімізде жыл басынан бері қаржы пирамидаларымен байланысы бар 9 мыңға жуық сайт пен аккаунт бұғатталған. 25 қаржы пирамидасы жойылып, жәбірленушілерге 8,3 млрд теңге қайтарылды. Мұны Президент қабылдауында болған Қаржылық мониторинг агенттігінің төрағасы Жанат Элиманов мәлімдеді. Сондай-ақ, қаржылық барлау қызметі есірткі сататын 15 интернет-дүкенді әшкерелеген. Олардың жалпы сауда айналымы 4,4 млрд теңге болыпты. Бұл материалдар Ішкі істер министрлігі мен Ұлттық қауіпсіздік қызметіне жолданған. 25 ұйымдасқан қылмыстық топтың жолы кесіліп, 300 млрд теңгеден астам актив қайтарылған. Ал ақшаны қолма-қол шығарумен айналысатын 119 топтың қызметіне тосқауыл қойылған. Мемлекет басшысы алаяқтық әрекеттері мен қаржы пирамидаларының жолын кесу бойынша жұмысты жалғастыруды тапсырды.
Данияр Қайыртай
