Атырауда 11 жылдан бері тоқтап тұрған концерт залының құрылысы қайта жанданады

Атырауда 11 жылдан бері тоқтап тұрған концерт залының құрылысы қайта жанданады. Оны салу үшін тағы 5 млрд теңге ақша керек. Орта жолдан тұралаған нысанның бастапқы құны 3 млрд теңгеден асады . Жоба облыстың бұрынғы әкімі Бергей Рысқалиевтің ісінен кейін аяқсыз қалған.

Осы деректің аясында 2012 жылы мердігер мекеменің үстінен қылмыстық іс қозғалды. Қазір әлеуметтік маңызы бар ғимараттың тоз-тозы шыққан. Енді оны қайта жөндеу әкімдікке жүктеліп отыр. Жергілікті билік инвестор іздеп жатыр. Құрылыс құжатында кеткен қателік те жұмысқа қолбайлау болған. 

Жандос Темірғали