Польша Калининградпен арада қабырға тұрғызылмақ

Польша Ресейдің Калининград облысымен арадағы шекарада тікенек сымнан уақытша қоршау тұрғызбақ. Елдің қорғаныс министрлігі анклав заңсыз миграцияның арнасына айналуы мүмкін деп қауіптеніп отыр. «Рейтер»-дің ақпаратына сай, жаңа ашық аспан саясаты аясында Калининград әуежайы Таяу Шығыс пен Солтүстік Африкадан ұшақ рейстерін қабылдай бастайды. Осыған орай Польша шекарадағы қауіпсіздікті күшейту үшін биіктігі 2,5 метр болатын қоршау тұрғызуға мәжбүр. Дәл осындай қабырғаны Польша былтыр елге ағылған Африка мен Таяу Шығыстан келген мыңдаған адамды тоқтату үшін Беларусьпен арада салған.

Арай Төлегенқызы