Жаңалықтарды Telegram арнамыздан оқыңыз!Казинода құмар ойын ойнап, миллиондаған теңге ұтылған мемлекеттік қызметкерлерге қатысты тексеріс басталды. Бұл туралы Мемлекеттік қызмет істері агенттігі мәлімдеді.
Сонымен қатар Ішкі істер министрі Марат Ахметжанов құзырлы мекеме ішінде де тексеріс жүріп жатқанын айтты. Соның қорытындысы бойынша нақты шаралар қабылданбақ.
Екі апта бұрын Алматы облысының прокуратурасы 305 мемлекеттік қызметкердің казино ойнап, 507 миллион теңге ұтылғанын мәлімдеген. Олардың 97-сі полицей мен 95-і әскерилер. Сонымен қатар тізімде қаржы министрлігі, әкімдік, антикор және жоғары соттың қызметкерлері де бар.
Шерхан Жамбыл
