Үндістанның Гуджарат штатында көпірдің құлауынан қаза тапқандар саны 141-ге жетті

Үндістанның Гуджарат штатында көпірдің құлауынан қаза тапқандар саны 141-ге жетті. Олардың арасында балалар да бар. Марқұмдардың саны әлі де өсуі мүмкін. Іздеу-құтқару операциясы жалғасып жатыр. Тағы 177 адам аман-есен судан құтқарылды.

Аспалы көпір жарты жыл бойғы жөндеуден кейін бірнеше күн бұрын ашылған еді. Дивали мерекесін тойлауға барған 500-дей адам оның үстіне және жанына жиналған.

Жүздеген тұрғынды көтере алмаған көпірдің темір арқаны үзіліп кетсе керек.

Мачху өзені арқылы өтетін 230-метрлік су үсті өткелі - танымал туристік нысандардың бірі. Осы қайғылы жағдайға байланысты Президент Қасым-Жомарт Тоқаев Үндістан Премьер-министрі Нарендра Модиге көңіл айту жеделхатын жолдады.

Арай Төлегенқызы