Қауіпсіздік кеңесі хатшысының бұрынғы орынбасары сотталды

Қауіпсіздік кеңесі хатшысының бұрынғы бірінші орынбасары Марат Шайхутдинов сотталды. Құпия жүргізілген тергеудің жай-жапсарын Ұлттық қауіпсіздік комитеті бүгін хабарлады. Мәліметтерге қарағанда оған қатысты тергеу әлдеқашан аяқталған. Ал Астана қаласының ауданаралық соты Шайхутдионовты мемлекеттік құпияларды жария ету, опасыздық және тыңшылық жасау фактілері бойынша кінәлі деп тауып, жеті жылға бас бостандығынан айырған.