Жаңалықтарды Telegram арнамыздан оқыңыз!Алматы қаласындағы Алатау ауданының тұрғындары үйсіз қаламыз ба деп қорқады. Олардың баспаналары «қызыл аймақта» орналасқан.
Ерболат Досаевтың халықпен кездесуі барысында Мәдениет шағын ауданының тұрғыны шаһар әкіміне бұйымтайын жеткізді. Оның сөзінше, аталған аумақта үй салу үшін жерді заңды түрде сатып алған және Ол қаланың 2014 жылғы бас жоспарына толықтай сай келеді. Десе де, Момышұлы мен Бұрындай көшелерінің қиылысында орналасқан үйлер сүрілуі мүмкін. Себебі аталған аумақта мегаполистің батыс бөлігін қамтитын Алматы-3 темір жол вокзалы салынады.
Ерболат Досаев, қала әкімі:
Қала дамуы керек. Тұрғындар салып жатқан баспаналар технологиялық талаптарға сай келмейді. Нақтырақ айтсақ, біз бұл үйлерге инфрақұрылым тарта алмаймыз. Қазір «Алматы қаласының 2040 жылға дейінгі бас жоспары» жасалып жатыр. Бір шешімін табамыз. Мәселен үйлері сүрілген азамттардың нарықтағы баға шығынын өтейміз.
Нұрсұлтан Тілектес
