Ресейде 200 мыңнан астам адам әскер қатарына алынды

Ресейде екі апта бұрын ішінара мобилизация жарияланған күннен бастап 200 мыңдай адам әскер қатарына алынған. Елдің қорғаныс министрі Сергей Шойгу осылай деп мәлімдеді. Оның сөзінше, Украинадағы «әскери операцияға» қарулы күштер қатарында тәжірибесі бар бас-аяғы 300 мыңдай ер адамды тарту жоспарланған. Айта кету керек, Ресейде өткен аптада ішінара мобилизация барысында олқылықтарға жол берілгені мәлім болды. Әскери қызметке іріктеу талаптарына сай келмейтін азаматтар да шақыру алған. Осыдан кейін Хабаров өлкесінде мобилизацияға іліккендердің тең жартысы үйіне оралды. Ал қолына қару ұстаудан бас тартқан мыңдаған ресейлік шетел асып кетті.

Арай Төлегенқызы