Оңтүстік Корея мен АҚШ әскерилері Жапон теңізіне қарай 4 зымыран ұшырды

Оңтүстік Корея мен АҚШ әскерилері Жапон теңізіне қарай 4 зымыран ұшырды. Сынақ Солтүстік Кореяның баллистикалық зымыранды ұшыруына шұғыл жауап ретінде өткізілген. Яғни осы арқылы Вашингтон мен Сеул Пхеньянның арандатушылығын тежей алатын мүмкіндігін көрсетті. Еске салсам, Солтүстік Корея қазанның 4-і күні баллистикалық ракета ұшырды. Аппарат Жапония үстінен ұшып өтіп, Тынық мұхитқа барып құлаған. Бұл әрекет халықаралық қауымдастықтың сынына ұшырап отыр. Құрама Штаттар Біріккен Ұлттар ұйымы Қауіпсіздік Кеңесінен осы оқиғаға байланысты отырыс өткізуді сұраған. Алайда оған Қытай мен Ресей қарсы болып отыр.

Арай Төлегенқызы