Полицияға мессенджерлер арқылы шағымдануға болады

Полицияға шағымды мессенджер арқылы да беруге болады. Бұл туралы Ішкі істер министрлігінің өкілдері хабарлады. Тұрғындар 102 мобильді қосымшасы мен басқа да мессенджер арқылы қылмыстық оқиға туралы хабарлай алады. Сондай-ақ көші-қон қызметі мен Ішкі істер министрлігіне тікелей хабарласып, тергеушілерге сұрақ қоюға мүмкіндік бар. Аудио және бейнеқоңырау жасауға да болады.

Әділ Сәрсенов, ҚР ІІМ Ақпараттандыру және байланыс департаментінің бас маманы:

Бұның бір артықшылығы сіз Қазақстанның қай жерінде болмасаңыз сіздің қоңырауыңыз сол жергілікті жердің полиция бөліміне немесе жедел басқару орталықтарының операторларына барып түседі.