Ресейдің Балтық теңізінің астынан өтетін екі құбырынан газ ақты

Ресейдің Балтық теңізінің астынан өтетін екі құбырынан газ ақты. Қазір Еуропа елдері мұның себебін тергеп жатыр. Оқиға Швеция мен Дания маңында болған. «Газпром» әзірге бұл жайтқа байланысты түсініктеме берген жоқ. Кремль саботаж деген болжам айтады.

«Солтүстік ағын-1» және «Солтүстік ағын-2» құбырлары Мәскеу мен Еуропа арасындағы энергетикалық соғыста ерекше аймаққа айналды. Осы тайталастан Еуропада газ бағасы шарықтап кетті. Бұған дейін Одақ Ресейді Еуропаны бопсалау үшін газ жеткізуді қысқартты деп айыптаған еді. Бірақ, Мәскеу мұндай мәлімдемелерді үнемі жоққа шығарып келеді.

Арыстан Рысбек