Қасым-Жомарт Тоқаев БҰҰ Бас хатшысымен кездесті

Сессия отырысынан кейін Қасым-Жомарт Тоқаев Біріккен Ұлттар Ұйымының Бас хатшысы Антониу Гутерришпен келіссөз жүргізді. Ол Алматы қаласында Орталық Азия мен Ауғанстан үшін Орнықты даму мақсаттары жөніндегі хаб құру бастамасын қолдайтынын айтты. Кездесуде ынтымақтастықты дамыту, қазіргі заманның өзекті сын-қатерлерін шешу жолдары талқыланды. Сонымен қатар Қасым-Жомарт Тоқаев Антониу Гутерришті Қазақстанға сапармен келуге шақырды.