Оралда көлік жүргізушісі 3 оқушы қызды қағып кетті

Оралда есірткіге елтіген көлік жүргізушісі үш оқушы қызды қағып кетті. Оқиға қалай болды?.

Ардақ Мұратқызы, тілші:

Абырой болғанда, көлік қаққан 11, 12 және 13 жастағы үш оқушы қыз да аман. Қазір біз жанында тұрған облыстық балалар ауруханасында ем алып жатыр. Жағдайлары орташа тұрақты дейді дәрігерлер. Үшеуі де әр түрлі дене жарақатын алған, біреуінің мойны, екеуінің жіліншегі зақымданған. Ал оқиға кеше №30 мектепке қарама-қарсы аялдама маңында болды. Автобустан түсіп, жолдан өтіп бара жатқан қыздарды Газ-53 маркалы асенизатор көлігі қағып кеткен. Бүгін медициналық сараптаманың қорытындысына сәйкес 32 жастағы жүргізушінің марихуанаға мас болғаны белгілі болды. Полиция департаментінің мәліметінше, қылмыстық іс қозғалып, сотқа дейінгі тергеу амалдары басталды.

Ардақ Мұратқызы