Қазақстан мен Ватикан ынтымағын арттыру туралы келісімге қол қойды

Құжатқа Үкімет басшысының орынбасары - Сыртқы істер министрі Мұхтар Тілеуберді және Ватиканның мемлекеттермен қарым-қатынас жөніндегі хатшысы Пол Ричард Галлахер қол қойды. Еске сала кетсек, екі ел арасындағы ынтымаққа бағытталған келісім алғаш 1998 жылы 24 қыркүйекте жасалған. Қосымша құжатқа Рим Папасы Францисктің Қазақстанға мемлекеттік сапары аясында қол қойылып отыр.

Роман Василенко, ҚР Сыртқы істер министрінің орынбасары:

Ватикан өз алдына мемлекет. Бүгінгі құжат осыдан 24 жыл бұрын жасалған келісімді толықтырып, тереңдете түседі. Қосымша келісімнің мерзімі жоқ. Тек Парламенттің ратификациясын талап етеді.