«Air Astana» әуе компаниясына 21 млн теңге айыппұл салынған

Биылғы шілдеден бері жолаушылардың құқығын бұзғаны үшін «Air Astana» әуе компаниясына 21 миллион теңгеден аса айыппұл салынған. Ондағы жалғыз себеп – рейстердің кешігуі.

Бір ғана мысал келтірсек, азаматтық авиация комитетінің тексерісі барысында шілденің 16-сында Алматы-Нұр-Сұлтан бағытындағы рейс 27 сағатқа кешіккен. Сол аралықта жолаушыларға заң бойынша белгіленген қызметтер көрсетілмеген. Яғни, қонақ үй мен ас-су берілмеген. Сөйтіп шілде айынан бері осындай оқиғалар бойынша 7 рет айыппұл салынған.