Кеден қызметінде қандай кедергілер бар?

Шетелден тауар тасымалдап, оны кеденнен өткізгендегі төлем теңгемен жүргізілу керек. Сонда сатылымдағы тауар құны бірнеше есе төмендеп, бизнес иелерінің де қалтасын қақпайды. Бұған қоса, Қазақстанда кеден қызметі сенбі-жексенбі жұмыс істемейді. Соның кесірінен шекарадан өтетін жеміс-жидек өнімдері тез бұзылып кетеді. Іскерлер шығынға батады.

Алматылық кәсіпкерлер Ақпарат және қоғамдық даму вице-министріне осындай түйткілдерді жеткізді. Олар жалға берілетін ғимараттардың бір бөлігін мемлекеттен субсидиялауды сұрап отыр.

Еске салайық, Президент жолдауында жас кәсіпкерлікті дамыту үшін жеңілдетілген несие берілу қажеттігі айтылды. Кедендегі кедергілерді жойып, реттеуді де тапсырды.