Орман өрті елдің азық-түлік қауіпсіздігіне әсер етпейді – Министрлік мәлімдемесі

Қостанайдағы орман өрті еліміздің азық-түлік қауіпсіздігіне әсер етпейді. Себебі қызыл жалын егістік алқаптарына айтарлықтай зиян келтірмеген. Ауылшаруашылық министрлігі осылай деп мәлімдеді. Тілсіз жау диқандардың ғана азғантай жерін шарпыған.

Атап айтқанда, Қарабалық ауданында 17 га, Меңдіқара ауданында 1 га астық жойылды. Ал өңірдегі егістіктің жалпы аумағы 5,3 млн га құрайды. 3 қыркүйектегі жағдай бойынша өңірде 1,8 млн га немесе егіс алаңының 45 пайызынан 1,8 млн тонна дәнді және дәнді-бұршақты дақыл жиналған.