Жоғары оқу орындарына жаңа міндеттер жүктелді

Ұлттық біріңғай тест пен өзге де көрсеткіштерге байланысты жоғарғы оқу орындарына берілетін білім гранттары 30-дан 100 пайызға дейін көбейеді. Оқуға жылдық үстемақысы 2-3 пайызбен жеңілдетілген несие беріліп, жоғары білім алу мейлінше қолжетімді болмақ. Мемлекет басшысы өз жолдауында өзекті мәселелерді дер кезінде көтерді. Әл-Фараби атындағы Қазақ Ұлттық университетінің ректоры Жансейіт Түймебаев осындай пікірде. Әсіресе, жоғары оқу орындарына сұранысқа ие, білікті кадрлар даярлау міндеті жүктелді. Білім сапасын арттыруға да ерекше көңіл бөлінеді.

Жансейіт Түймебаев, Әл-Фараби атындағы ҚАЗҰУ-дың ректоры:

Алдымызда үлкен міндеттер жоспарланып, мемлекет тарапынан нақты жағдайлар жасалуда. Қаржы бөлінуде. Біздің міндетіміз – әлемнің алдыңғы қатарлы мемлекеттерінің ғылыми тұрғыдан үлкен жетістігі бар мемлекетке айналу.