Оңтүстік Корея мен АҚШ сарбаздары бірлесіп ауқымды әскери жаттығу өткізіп жатыр

Жаттығу Солтүстік Корея шекарасынан 32 шақырым жерде басталған. Маневрлерге қатысушылар артиллерия, танкілер мен басқа да қару-жарақтан оқ атуға машықтанып жатыр. Апачи тікұшақтары да тартылған. «Рейтердің» дерегінше, Сеул де, Вашингтон да жаттығуларды Солтүстік Корея мен оның ядролық арсеналына тосқауыл ретінде қарастырады. Ал Пхеньян болса, олардың әрекеттерін соғысқа дайындық деп атады. Айта кетсек, соңғы жылдары коронавирус кесірінен одақтас екі ел мұндай ауқымды әскери жаттығуларды өткізбеген еді.  

Арай Төлегенқызы