Кабулде жойқын жарылыстан 21 адам қаза тапты

Ауғанстан астанасы Кабулдегі мешітте жойқын жарылыс болып, 21 адам қаза тапты. Шабуыл көп мұсылман намазға жиналған сәтте жасалды. Құрбандардың ішінде мешіттің имамы да бар. Тағы 33 адам жараланып, ауруханаға жеткізілді. Қазір олардың туған-туыстары госпиталь жанына жиналып, жақындарының жағдайы жайлы хабар күтіп тұр. Жарылысты кім ұйымдастырғаны белгісіз. Ал, өткен аптада мұнда «Даиш» қарулы тобының содырлары тәліптердің діни қызметкерін өлтіріп кеткен.

Арыстан Рысбек