Эстония ресейліктерге визалық шектеу қойды

Эстония үкіметі ертеңнен бастап елге ресейліктердің эстониялық шенген визасымен кіруіне тыйым салады. Бұған дейін осындай шешімді Латвия, Литва, Чех Республикасы да қабылдаған. Ал Финляндия мен Швеция бүкіл Еуропа одағын Ресей азаматтарына виза беруді мүлде тоқтатуға шақырып отыр. Өйткені олардың ойынша, Мәскеудің Украинаға әскер кіргізуіне Кремль ғана емес, Ресей қоғамы да моральдық тұрғыдан жауапты.

Дегенмен Германия мұндай қатаң шараға қарсы. Берлиннің мәлімдеуінше, Еуропа президент Владимир Путиннің саясатын қолдамайтын ресейліктердің елінен кетуіне мүмкіндік беруге тиіс.

Авторы: Арыстан Рысбек