Жаңалықтарды Telegram арнамыздан оқыңыз!Алматыда заңсыз салынып жатқан тағы бір тұрғын үй кешені бұзылады.
Наурызбай ауданында орналасқан үйді сүру туралы сот үкімі шықты. Енді оның заңды түрде күшіне енгенін күтіп отырмыз дейді, қала құрылысын бақылау басқармасының мамандары. Тексеріс барысында нысанның сметалық құжаттары сараптамадан өтпегені белгілі болды.
Дәурен Тұрсынбеков, қала құрылысын бақылау басқармасының бас маманы:
Құжаттарымыз авторлық және техникалық қадағалусыз құрылыс монтаждау жұмысының басталуы туралы хабарламасыз жүргізілгені анықталды. Жол берген заңбұзушылық үшін құрылысты жүргізгендерге әкімшілік шара қолданылып, оларды жою мақсатында ұсыныс бреліген болатын. Сол ұсынысты орындамағандықтан басқармамен ауданаралық сотқа талап арыз жолданған болатын.
Сондай-ақ, Алматының Еременсай шағын ауданындағы тау бөктерінде салынып жатқан элиталық үй кешенінің де бір қабаты бұзылады. Құрылысқа тапсырыс беруші эскиздік жобада 2 қабатты жеке үйді көрсетіп, шын мәнінде 3 қабатты көппәтерлі үй тұрғызбақ болған. Жалпы, жыл басынан мегаполисте заңсыз салынып жатқан 36 нысан анықталды.
Нұрсұлтан Тілектес
