Шымкентте 13,5 млн теңгені мақсатсыз жұмсаған азамат сотталды

Шымкентте жалған деректер негізінде мемлекет қаржысын иеленген азамат сотталды. Мегаполис тұрғыны 2020 жылы әкімдікке асыл тұқымды қой сатып алуға және оның жем-шөбі шығындарын өтеу үшін 13,5 миллилион теңге қаржы бөлуді сұрап, өтінім берген. Алайда, осы істі тергеп-тексеру кезінде асыл тұқымды қойлар сатып алынбағаны және бюджет қаражаты жеке қажеттіліктерге жұмсалғаны анықталды. Заң талаптарына байланысты мемлекетке келтірілген залал толық өтелді. Сот үкімімен қазына қаржысын иемденгісі келген азамат 5 жылға шартты жазаға тартылды.

Ғани Қалмаханов