Мемлекет басшысы Ерлан Қошановты қабылдады

Заңсыз берілген жерлерді мемлекет меншігіне қайтару жұмыстары жүргізіліп жатыр. Бұл ауқымды мәселе «Жер аманаты» жобасы аясында жүзеге асуда. Мәжіліс төрағасы Ерлан Қошанов Мемлекет басшысына төменгі палатаның атқарып жатқан жұмысы туралы есеп берді. Қазіргі таңда мәжілісмендер халықпен кездесулер өткізіп, жергілікті жерлердегі ахуалмен танысу үшін өңірлерге аттанған. Содан кейін Үкіметпен бірлесіп, бұл мәселелерді шешетін болады. Сонымен қатар Мәжіліс төрағасы Парламенттің төменгі палатасы жұмысының жаңа форматы, соның ішінде Қоғамдық палата құру жөнінде айтты. «Amanat» партиясы «Ауыл аманаты» жобасын да қолға алған. Бағдарлама тұрғындардың тұрмыстық табысын арттыруды көздейді. Ол бойынша 2400 ауылдық округті қамту жоспарланып отыр.