Қасым-Жомарт Тоқаев Алматы қаласының әкімін қабылдады

Президент Қасым-Жомарт Тоқаев Алматы қаласының әкімі Ерболат Досаевты қабылдап, шаһардың жыл басынан бергі әлеуметтік-экономикалық есебін тыңдады. Қала басшысының мәліметінше, мегаполистің қысқа мерзімді экономикалық индикаторы 107,6 пайызға дейін өсті. Инвестиция 20,9 пайызға ұлғайды. Шағын және орта бизнес субьектілерінің саны артқан.

Сондай-ақ Президентке «Алматы қаласын дамытудың 2025 жылға дейінгі жоспарының негізгі басымдықтары және 2030 жылға дейінгі орта мерзімді перспективалар» жобасын ұсынды. Ерболат Досаев бірқатар әлеуметтік мәселелерді шешуге қаржы бөлінгенін айтты.

Кездесу соңында Мемлекет басшысы Алматы қаласын одан әрі дамыту жөнінде бірқатар тапсырма берді.