Қорғаныс саласын дамыту мәселелері қаралды

Отандық қорғаныс-өнеркәсіп кешенінің өндірістік-технологиялық әлеуетін сақтау керек. Қарулы күштердің, басқа да әскерлер мен әскери құралымдардың кешенді және жүйелі дамуын қамтамасыз ету керек.

Бүгін Қауіпсіздік Кеңесі ведомствоаралық комиссиясының кезектен тыс отырысында осындай ұсыныстар айтылды. Жиында Президент Қасым-Жомарт Тоқаевтың тапсырмасына байланысты 2022 жылға арналған қару-жарақ, әскери техника мен оқ-дәрілерді сатып алуды жоспарлау, ұйымдастыру және әртараптандыру мәселелері қаралды.

Бұдан өзге әскери жоспарлаудың стратегиялық және бағдарламалық құжаттарының іске асырылу барысы, сондай-ақ әлемдегі және өңірдегі геосаяси ахуалдың өзгерістерін ескере отырып, оларды реттеу туралы ақпарат берілді.