Солтүстік Қазақстанға 10 мыңға жуық адам қоныс аударды

Солтүстік Қазақстан облысына 2016 жылдан бері 10 мыңға жуық адам қоныс аударды. Оның жыл сайын 6 пайызы ғана кері қайтуға мәжбүр. Бұған азаматтардың отбасылық немесе денсаулық жағдайы, өңірдің клмиматтық ерекшеліктері себеп болып отыр. Бұл туралы аймақ басшысы Құмар Ақсақалов мәлімдеді.

Дегенмен жыл сайын теріскейге көшуге ниет білдіргендер саны артып келеді. Ал жергілікті халық арасынан жыл сайын 5-6 мың адам өзге өңірлерге қоныс аударады. Оның 89 пайызы Ресейге көшіп жатқандар. «Қазір көрші мемлекеттен солтүстікке қоныс аударушылардың легі байқалмайды», - деді облыс басшысы. 

Құмар Ақсақалов, Солтүстік Қазақстан облысының әкімі:

Солтүстік аймаққа үйреніп кеткендер көп. Жыл басынан оңтүстіктен, Нұр-Сұлтан қаласынан және сырттан 800 адам келді. Биыл жалпы 2300-ден астам адам көшіп келеді деген болжам бар. Олардың әрқайсына мемлекет тарапынан жан-жақты қолдау көрсетіледі. Әрине, ұсақ мәселелер бар. Бірақ оның барлығын уақыт создырмай шешіп жатырмыз.