Ұлттық комиссия отырысы: Қазақстандықтардың 93% отбасыны таңдайды

Қазақстандықтардың 93 пайызы отбасын, 49-ы мансапты, ал 45 проценті достарын таңдаған. Жүргізілген сауалнама қорытындысы осындай. Бұл туралы Президент жанындағы Әйелдер істері және отбасылық-демографиялық саясат жөніндегі Ұлттық комиссия отырысында айтылды. Жиында комиссияның жаңартылған жұмыс жоспары бекітілді. Демографиялық және гендерлік саясат саласындағы өзекті міндеттерді айшықтау, халықтың өмір сапасын жақсарту сөз болды. Алдағы уақытта мүмкіндігі шектеулі азаматтардың қатысуымен тележобалар ұсыну қарастырылмақ. Сондай-ақ, азаматтар арасында зерттеу сауалнамаларын өткізу маңызды. Ол үшін БҰҰ мен ЮНИСЕФ қолдау көрсетуге әзір деді комиссия мүшелері.