Қарағанды облысында 2000 тұрақты жұмыс орны ашылады

Қарағанды облысында құны 221 миллиарда теңге болатын 12 ірі жоба жүзеге асады. Ол үшін екі мың тұрақты жұмыс орны ашылмақ. Бұл туралы өңір басшысы айтты.

Жеңіс Қасымбектің сөзінше, облысқа жыл басынан бері 202 миллард теңге инвестиция тартылған. Ұлытау облысының бөлініп шығуы аймақтың экономикалық өсіміне әсер етпейді. Облыста 1500 шақырым жолды жөндеу жұмыстары жүріп жатыр. Қарағанды-Балхаш, Балхаш-Бұрылбайтал тас жолы 2023 жылы толық аяқталады. Ал өнеркәсіп өндірісі 2,8 триллион теңгеге жетсе, экспорт 13,7 пайызға артқан, деді облыс әкімі.

Жеңіс Қасымбек, Қарағанды облысының әкімі:

Осы жылдың көктемінен бастап Ресейге өнімдерді жеткізу бойынша қиындықтар туындады. Алайда кәсіпорынның Еуропа, Транскавказ дәліздерін пайдалана отырып, жаңа нарықты игеріп, өнімдерді жеткізіп жатыр. Жыл қорытындысы бойынша экспорттың оң серпіні сақталады.