Ресей газы азайғандықтан, Еуропа елдері көмір тұтынуға оралып жатыр

Ресей газы азайғандықтан, Еуропа елдері көмір тұтынуға оралып жатыр. Германия, Италия, Австрия, Нидерланды бұл отынды жылу электр станцияларында қайта қолдануға көшетінін мәлімдеді. Дегенмен, Германия 2030 жылға қарай көмірден мүлде бас тарту саясатын бәрібір жүзеге асырмақ. Қазір Еуропаның газ қоймалары небары 54 пайызға толы. Сондықтан, «Қарт құрлық» алдағы қыста энергетикалық дағдарысқа ұшырауы мүмкін. Мәскеу болса, бұл проблема үшін Еуропаның өзін кінәлап келеді. Айта кетсек, Ресей армиясы ақпанда Украинаға басып кіргеннен кейін Батыс елдері Мәскеуге санкция жариялағаны белгілі. 

Арыстан Рысбек