Мүмкіндігі шектеулі 260 азамат ІТ саласы бойынша жұмысқа орналасты

Елімізде «IteachMe» жобасы аясында мүмкіндігі шектеулі 260 азамат жұмысқа орналасты. Бұл бағыттағы жұмыстар жалғасын табады. Демеушілердің көмегімен тағы 200 адам кәсіби оқу курстарынан өтеді. Олар онлайн-лагерьлер мен онлайн-оқуға қатысады.

Жоба өкілдері осыған дейін еліміздің 15 қаласында болып, үздіктерді іріктеген. Курстарды тәмамдағаннан кейін жастар ІТ саласында жұмысқа орналаса алады. Осыған дейінгі бес маусымда 300-ден астам азамат білім алса, олардың 90 пайызы жұмысқа орналасқан.

Захира Бегәлиева, жоба жетекшісі:

Қазір фриланс бар, интернет болса, үйлерінде отырып жұмыс жасай береді. Қажетті деген мамандықтарға оқытып жатырмыз.  Сайт жасайды, инстаграмм жүргізеді, грфический дизайн жасайды, видеолар жасайды. Үш айдың ішінде профессионал болып шығады. 

 Мөлдір Сәбитбек жобаға қатысушы

 Интернет арқылы жұмыс істей аламын деген сенімдемін. Өлеңдерімді жүргіземін. Сол менің блогерлік контентім болып есептеледі.