Ұлттық парктердің инфрақұрылымын жақсарту керек – қоғамдық бірлестік

Ұлттық парктердің инфрақұрылымын жақсартып, экологиялық туризм саласын дамытуға басымдық беру қажет. Бұл туралы «QazaqGeography» қоғамдық бірлестігінің өкілдері мәлімдеді. Олар туристер үшін қолайлы орта қалыптастыру бойынша ұсыныс айтып, демалыс мәдениетін қалыптастыру жайлы пікір алмасты.

Бірлестік «Алтын Емел» мен «Шарын» ұлттық парктерін жақсартуды қолға алған. Болашақта бұл тізімге «Іле Алатауы» мен «Ұлытау» қосылады. Іс-шара аясында жақын маңдағы ауыл тұрғындарына өз бизнесін ашуға жәрдемдесетін тренингтер ұйымдастыру көзделген.

Томирис Мұсаева, қоғамдық бірлестіктің жоба жетекшісі:

Қалдықтарды сұрыптаудан бастадық. Беседка дейміз ғой, соларды құрастырдық. Ішетін ауыз суды қойдық сол жерлерге. Өткен жылы Шарынға 40 мыңдай адам келген. Алтын Емелге 19 мыңдай адам келген. Ішкі туризмді дамыту керек. Сондықтан біз осы адамдарға экологиялық туризм жайлы көбірек айтсақ деп келіп жатырмыз.