Түркістанда жалдамалы қойшы 16 млн теңгенің малын сатып жіберген

Түркістан облысы, Ордабасы ауданында жалдамалы қойшы 16 млн теңгенің малын сатып жіберген. Ол өзіне сеніп тапсырылған асыл тұқымды қойлардың ішінен әрқайсысы 70 мың теңге тұратын 200-ден астам малын талан-таражға салған. Сезікті өткен жылдан бастап бағып жүрген қойларды шетінен сатып келген. Сөйтіп өзінің несиелері мен қарыздарын өтеп жүрген.

Қазіргі таңда күдікті қамауға алынып, оған қатысты Қылмыстық кодекстің «Сеніп тапсырылған бөтен мүлікті иемденіп алу немесе талан-таражға салу» бойынша тергеу жүргізілуде.