Шымкентте 290 орындық студенттер үйі ашылды

Шымкентте студенттерге арналған жатақхана пайдалануға берілді. 290 орындық 6 қабатты ғимаратты қаладағы жоғарғы оқу орындарының бірі өз қаржысына салған.

Аумағы 10 мың шаршы метрлік жатақханада 80-нен астам жатын бөлмесі бар. Онда екі адам еркін жайғасады. Оқу залы, демалыс бөлмесі, медициналық пункт пен ас бөлмесі де бар. Мұнан бөлек, екі жаттығу залында жастар спорттың бірнеше түрімен шұғылдана алады. Қауіпсіздік үшін бейнеқондырғылар да орнатылды.

Нұрлан Қуатбеков, жоғары оқу орнының құрылтайшысы:
Өзімізден орын артық қалып жатса, біздің университеттің студенттерінен бөлек, басқа да оқу орындарының студенттеріне орын береміз. Ақысы ары кетсе айына 8-10 мың теңге болады. Басқа ешнәрсе төлемейді.