Отандық дәрігерлер біліктілігін арттырды

Бүгін Елордада балалардың мүгедектігін төмендету аясында ұйымдастырылған жоба қортындыланды. Шара аясында биыл елдегі 20 аурухана мен перинаталдық орталықтың мамандары замануи ультрадыбыстық зерттеу аппараттарымен жұмыс істеуде оқу-тәжірибеден өтті. Денсаулық сақтау министрлігінің мәліметінше, биыл жыл басынан бері елде түрлі аурулар бойынша 18 жасқа дейінгі мүгедек балалардың саны 98 мыңнан асқан. Мамандардардың айтуынша, бұл көрсеткіш өткен жылмен салыстырғанда едәуір көп. Осыған байланысты қазір елдегі туа біткен ауруларға жасалатын ем-домның сапасын күшейтумен қатар, мамандардың біліктілігін арттыру маңызды дейді.

Мағрипа Ембергенова, ҚР ДСМ Ана мен бала денсаулығын сақтау департаментінің директоры:

Екінші шара - ол скрингтің сапасын көтеру. Ол үшін тек аппараттың сапасын емес, дәрігерлердің біліктілігін көтеру керек. Ол үшін біз қазір 100-ден астам УЗИ-мамандарын оқыттық. Ең басты мақсатымыз - ана мен баланың өлім деңгейін төмендету.