Алдағы 3 жылда елде дәрі-дәрмек жасайтын 30 өндіріс орыны ашылмақ

Алдағы 3 жылда елде дәрі-дәрмек жасайтын 30 өндіріс ошағын іске қосу жоспарланған.

Бұл туралы Үкімет отырысында Денсаулық сақтау министрі Ажар Ғиният мәлімдеді. Осы арқылы фармацевтика саласындағы отандық өнімдердің үлесін 50 пайызға жеткізу көзделген. Ал экспорт көлемі 3 есе артады.

Жалпы, биылғы жылдың алғашқы 5 айында дәрі-дәрмек өнім көлемі өткен жылдың осы кезеңімен салыстырғанда 5 пайызға өскен. Министр әлемдік ахуал мен логистикадағы қиындықтарға қарамастан ішкі нарықты қажетті препараттармен қамтамасыз етуде мәселе жоқ деді. Крек дәрі-дәрмектің 70 пайызы медициналық ұйымдардың қоймаларына жеткізілген.

 Ажар Ғиният, ҚР денсаулық сақтау министрі:
Украинаға байланысты 20 шақты атауы бар дәрі-дәромектің жартысына қайтадан келісім шарттар қаралып, Ресей, Үндістан жеткізушілері арқылы конкурс өткізіліп, қазір елге жеткізілуде. Бұл мәселе министрліктің қатаң бақылауында.