Қытайда миллиондаған адам тесттен өткізіледі

Қытайда миллиондаған адам тесттен өткізіледі

Қытайдың Шанхайында миллиондаған адам қайта локдаунға жабылып, қайтадан тесттен өткізіледі. Бұл тексеру науқаны апта соңында қаладағы 16 ауданның 14-де жүргізіледі. Осыған байланысты сенбі-жексенбі күндері халық үйлерінен ұзап кетпеуі керек.

Жаппай тестілеудің мақсаты – коронавирустың таралу деңгейін нөлге түсіру.

Айта кетсек, 25 миллион тұрғыны бар Шанхай осыдан 10 күн бұрын ғана 2 айлық карантиннен босатылған еді. «Рейтер» агенттігінің хабарлауынша, материктік Қытайда маусымның 9-да 151 адамнан ковид табылды.

Арыстан Рысбек