Әскери бөлімге қарулы шабуыл кезінде террористерге тойтарыс беріп, қаза болған Досбол Сапаровтың әкесіне автокөлік кілті табысталды

Әскери бөлімге қарулы шабуыл кезінде террористерге тойтарыс беріп, қаза болған Досбол Сапаровтың әкесіне автокөлік кілті табысталды.

Көлікті ұлттық ұлан сарбаздары Ресейде өткен дзюдодан халықаралық турнир кезінде ұтып алған. Ұлттық ұлан ұжымы бағалы сыйлықты әскери борышын өтеу кезінде қаза болған сарбаздың туыстарына тарту етуді ұйғарыпты.

Әлішер Әбдірасул, ҚР Ұлттық ұлан қолбасшылығы тәрбие және әлеуметтік жұмыстар бөлімінің басшысы:

Біз ешқашанда Досболды әке-шешесіне қайтып бере алмаймыз, бұның барлығы ертең өсіп келе жатқан өскелең ұрпаққа біздің батырларымыздың даңқты дәстүрін жеткізу, ұрпақтар сабақтастығы ретінде сәл де болса Досболдың әкесіне көңілге демеу дейміз ғой сондай шара болды.

Еске сала кетейік, 2016 жылы Ақтөбедегі 66/55 әскери бөліміне лаңкестер шабуыл жасап, қару-жарақ пен оқ-дәрілерді басып алуға ұмтылған болатын. Алайда жанқиярлықпен қарсылық көрсеткен әскерилер қауіптің бетін қайтарды. Дүрбелең кезінде екі әскери қызметкер мен бір сарбаз оққа ұшып, қаза болды. Олар президент жарлығымен «Айбын» орденімен марапатталған болатын.