Ресей әскері Украинаның екі қалаcына шабуыл жасап жатыр

Ресей әскері Украинаның Донбасында шабуылды күшейтті. Олардың мақсаты - Северодонецк және Лисичанск қалаларын алып, әрі қарай Донецк және Луганск облыстарына толық бақылау орнату. Украина армиясы ресейліктердің 9 шабуылына тойтарыс бергенін және олардың артиллериялық, танкілік, зымырандық соққыларынан 14 бейбіт тұрғын қаза тапқанын хабарлады. Дегенмен, батыс барлаушыларының дерегінше, Ресей қарулы күштері бұл аймақта да алға айтарлықтай жылжи алмай, тұралай бастаған. Алайда, қорғаныс министрі Сергей Шойгудың сөзінше, Ресей бейбіт халықтың көшуіне мүмкіндік жасау үшін операцияны әдейі баяулатып отыр. Зеленский болса, бұл пікірді «сәтсіз науқанды жасыру үшін айтылған өтірік» деп келеке етті.

Арыстан Рысбек