Жаңалықтарды Telegram арнамыздан оқыңыз!Елімізде неонаталды хирургия саласы қарқынды дамып келеді. Нәрестелерге жасалатын медициналық көмек қазіргі таңда барлық өңірде жүргізіледі. Жаңа туылған сәбидің туабітті ауруларына ем-дом жасайтын дәрігерлердің саны да жеткілікті. Сондай-ақ, арнайы мамандандырылған орталықтарда соңғы жылдары ота жасау үшін қажет заманауи құралдармен жабдықталған. Ата-ананың күтімі де ерекше назарға алынады. Бұл саланы дамыту маңызды, дейді мамандар. Сапа жақсарған сайын өлім-жітім азайып, сәбидің дені сау болуына жол ашылады.
Асылжан Ерекешов, штаттан тыс бас неонаталды хирург:
Біздің елімізде туа біткен ақаумен 1-2 пайыз бала дүниеге келеді. Соның ішінде жүрек ақауы бар, бүйрек ақауы бар. Ішек жолдарының қабынып, шіріп тесілуі. Мұның 80 пайызы шақалаққа тиесілі. Қазіргі таңда ота жасап, емдеп шығуға мүмкіндігіміз бар.
