Басты Жаңалықтар Ауылдарда дәрігер жетіспейді

Ауылдарда дәрігер жетіспейді

19.05.2022 17:00

2030 жылға дейін алғашқы медициналық көмек көрсететін 1 мыңға жуық мекеме мен 35 аурухана салынады. Бұл туралы Денсаулық сақтау министрлігінің өкілдері айтты. Орталық коммуникациялар қызметіне жиналған сарапшылар медициналық қызмет сапасын жақсарту жайын талқылады. Бұл үшін инфрақұрылымды жаңартып, маман тарту, дәрі-дәрмек және медициналық жабдықпен қамту мәселесін шешу керек. Қазір Қазақстанда 6 мыңнан астам мемлекеттік медициналық мекеме, оның ішінде 492 аурухана бар. Барлығы 270 мыңдай адам жұмыс істейді. 78 мың дәрігер бар. Алайда көп жерде кадр тапшы.

Гүлнафис Жүсіпәли, ҚР Денсаулық сақтау министрлігі Департамент директорының орынбасары:

Қаламен салыстырғанда ауылдық жерлерде кадрлық ресурстардың теңгерімсіздігі байқалады. Ауылдық жерлерді дәрігерлермен қамтамасыз ету 10 мың тұрғынға шаққанда 17-ні, қалада 57-ні құрайды. Пайыздық қатынаста, мемлекеттік секторда қызметті жүзеге асыратын дәрігерлер үлесі 72,3 пайыз, жеке секторда 25,1 пайыз.

Берік Көшербай

Бөлісу