Алматы облысы Қарасай ауданында көкпар тартып, көшеде ойран салғандар ұсталды

Алматы облысы Қарасай ауданында көкпар тартып, көшеде ойран салғандар ұсталды. Облыстық Полиция департаментінің хабарлауынша, ұлттық ойынды 66 жастағы Қаскелең қаласының тұрғыны жиенінің туған күніне арнап өткізген. Қазір ұйымдастырушы мен тәртіпсіздікке қатысқан 3 азамат әкімшілік жауапкершілікке тартылды. Құқық қорғау органдарының мамандары қалғандарын іздестіріп жатыр. Еске сала кетсек, 15-мамыр күні Қарасай ауданында әкімдіктің рұқсатынсыз көкпар өтіп, ат тізгіндегендер көшеге шығып кеткен. Олар автотұрақтардағы темір тұлпарларды қиратып, куәгерлерге қоқан-лоқы көрсеткен еді.

Нұрсұлтан Тілектес