Украина армиясы Харковь төңірегінде Ресей әскеріне қарсы қарымта шабуылды жалғастырып жатыр

Украина армиясы Харковь төңірегінде Ресей әскеріне қарсы қарымта шабуылды жалғастырып жатыр. Соңғы мәліметке қарағанда, оның нәтижесінде ресейліктер Украинаның екінші ірі қаласына артиллериямен соққы беретін мүмкіндіктен айрылған. Британ қорғаныс министрлігінің дерегінше, украин жауынгерлері Ресей шекарасына жақын орналасқан бірнеше қала мен ауылды азат етті. Ал, қарсы жақтың қарулы күштері бұл аймақтан кетіп, қайта топтасуға әрекеттеніп жатыр. Дегенмен, Украина бас штабы Ресейдің шығыстағы Кудряшевка және Северодонецк елді мекендері үшін шайқаста біраз табысқа жеткенін хабарлады.

Арыстан Рысбек